美斯精彩罰球背後蠱惑一面
美斯（Lionel Messi）日前喺美墨聯賽杯16強末段射入一記精彩嘅罰球為國際邁亞密扳平完法定時間，最後以三射12碼人篩FC達拉斯晉級。呢排網上流傳美斯主射呢記關鍵罰球前嘅片段，見到球王都出「蠱惑」，趁球證處理人牆時，靜靜雞不斷將罰球啲移近中路。
從片段見到，美斯處理一記位於禁區頂偏嘅右嘅罰球。球證忙住安排FC達拉斯嘅人牆位置，而美斯一直望住球證，見對方背對自己，就開始出「蠱惑」。美斯拾起皮球，擺前一啲，踩前一步，再捳頭望望球證，見球證仲未擰轉身，又再重複呢套動作，逐啲逐啲將罰球嘅位置移近中路。搬咗5次之後，美斯覺得位置滿意，就冇再搬，最後一腳彎過人牆射入。
呢個「蠱惑」罰球出現喺日前美墨聯賽杯16強嘅85分鐘，美斯為國際邁亞密扳平4:4，喺法定時間內追成平手。最後，國際邁亞密喺三射12碼勝出，打入8強
延伸閱讀
